इन्द्रेणीपोष्ट
काठमाडौं । नेकपा माओवादी केन्द्रले विधान संशोधन गर्दै सबै कमिटीमा ुएक व्यक्ति एक पदकोु अवधारणा लागू गर्ने निर्णय गरेको छ । हिजो (शुक्रबार) भर्चुअल माध्यमबाट बसेको माओवादी केन्द्रको केन्द्रीय समितिको बैठकले यस्तो निर्णय गरेको हो ।
पुसमा राष्ट्रिय सम्मेलन गर्ने निर्णय गरेको माओवादीले आज (शनिबार)देखि वडा तहको सम्मेल गर्दैछ । शुक्रबार केन्द्रीय समितिको बैठकको निर्णयानुसार अब कुनै पनि व्यक्ति एउटा कमिटीमा मात्रै बस्न पाउने छ ।
यसअघि केन्द्रीय र स्थायी समितिका सदस्यहरु प्रदेशका समितिको समेत जिम्मेवारीमा रहने गरेका थिए ।
शुक्रबारको बैठकले प्रदेश र पालिका कमिटीमा ७ जना पदाधिकारी हुने निर्णय गरेको छ । यस्तै, वडा कमिटीमा ५ र टोल कमिटीमा अध्यक्ष र सचिव गरी २ पदाधिकारी रहने व्यवस्था समेत गरेको छ ।
