इन्द्रेणीपोष्ट
नेपालमा थप २३ जनामा कोरोना भाइरसको संक्रमण पुष्टि भएको छ ।
गत २४ घण्टामा एन्टिजेन र पीसीआर प्रविधिबाट देशभर ६ हजार ९०९ नमूनाको परीक्षण हुँदा आइतबार २३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
गत २४ घण्टामा ५ हजार ८४७ जनाको पीसीआर र १ हजार ६२ जनाको एन्टिजेन परीक्षण भएको मन्त्रालयले जानकारी दिएको छ ।
एन्टिजेन परीक्षणको तथ्याङ्कमा एसएमएस र ईमेलबाट प्राप्त नतिजाको विवरण समेत समावेश गरिएको छ ।
पीसीआर परीक्षणबाट २३ जनामा संक्रमण पुष्टि भएको हो । एन्टिजेन परीक्षणका क्रममा सबैको रिपोर्ट नेगेटिभ आएको मन्त्रालयले जनाएको छ ।
गत २४ घण्टाको कोरोना संक्रमणबाट कसैको मृत्यु भएको विवरण प्राप्त नभएको मन्त्रालयले जानकारी दिएको छ ।
कोरोना संक्रमणबाट हालसम्म देशभर मृत्यु हुनेको संख्या ११ हजार ९५१ जनाको मृत्यु भएको छ ।
