इन्द्रेणीपोष्ट
काठमाडौं । एसीसी प्रिमियर कपमा युएईको विजयी सुरुवात गरेको छ ।
ओमानमा सुरु भएको एसीसी प्रिमियर कपअन्तर्गत युएईले कुवेतलाई ७ विकेटले पराजित गर्दै विजयी सुरुवात गरेको हो ।
कुवेतले दिएको १७९ रनको लक्ष्य पछाएको युएईले १७.३ ओभरमा ३ विकेट गुमाउदै लक्ष्य पूरा गरेको थियो । यसअघि पहिला ब्याटिंग गरेको कुवेतले २० ओभरमा ८ विकेट गुमाएर १७८ रन बनाएको थियो ।
त्यसैगरी आयोजक ओमानले पनि बहराइनलाई ३ रनले पराजित गर्दै प्रतियोगितामा विजयी सुरुवात गरेको छ ।
समूह ‘बी’ मा रहेका युएई र ओमानले यो जितपछि २–२ अंक हासिल गरेका छन् ।
