इन्द्रेणीपोष्ट
एसीसी प्रिमियर कप टी२० प्रतियोगिताको दोस्रो खेलमा शनिबार नेपालले कतारविरुद्ध पहिला ब्याटिङ गरिरहेको छ ।
ओमानको अल अमेरात मैदानमा टस जितेको नेपालले पहिला ब्याटिङ गर्ने निर्णय लिएको हो । नेपालले तेस्रो ओभरमै पहिलो विकेट गुमाएको छ ।
कुशल भुर्तेल ११ बलमा १२ रन बनाएर आउट भएका छन् । उनलाई कतारका अमिर फारुकले तेस्रो ओभरको पाँचौँ बलमा क्याच आउट गराएका हुन् ।
अहिले क्रिजमा कप्तान रोहित पौडेल र ओपनर आसिफ शेख छन् । तीन ओभरमा नेपालले १८ रन बनाएको छ । डिफेन्डिङ च्याम्पियन नेपालले पहिलो खेलमा शुक्रबार मेलेसियालाई पाँच विकेटले पराजित गरेको थियो ।
समूह ए मा रहेको हङकङले पनि शुक्रबार पहिलो खेल जितेको थियो । यो समूहमा नेपाल, हङकङ, साउदी अरब, मलेसिया र कतार छन् ।
यो समूहबाट शीर्ष दुई टिम सेमिफाइनल पुग्नेछन् । कतारसँगको पछिल्लो भेटमा नेपाल पराजित भएको थियो ।
