इन्द्रेणीपोष्ट
काठमाडौं । पछिल्लो २४ घण्टामा देशभर १३ हजार ३६८ नमुना परीक्षण गर्दा १ हजार ६६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार १० हजार ११३ पीसीआर गर्दा ८९८ जनामा र ३ हजार २२५ एन्टीजेन परीक्षण गर्दा १६८ जनामा कोभिड-१९ पुष्टि भएको हो ।
यस अवधिमा ९३८ जना भाइरस संक्रमणमुक्त भएका छन् भने संक्रमणको कारणले १३ जनाको निधन भएको छ ।
हाल सक्रिय संक्रमितको संख्या १८ हजार ११५ रहेको छ । जसमध्ये १६ हजार ८८१ होम आइसोलेसनमा र १२ सय ३४ जना संस्थागत आइसोलेसनमा रहेका छन् ।
संस्थागत आइसोलेसनमा रहेकामध्ये ३५४ आइसियूमा र ११६ जना भेन्टिलेटरमा उपचारत छन् ।
