इन्द्रेणीपोष्ट
काठमाडौँ, १९ भदौः राष्ट्रियसभाअन्तर्गतका दुई समितिको बैठक आज बस्दैछन् । सिंहदरबारस्थित समिति हलमा बस्ने यी बैठकहरूमा विविध विषयमा छलफल हुने जनाइएको छ ।
अपराह्न १२ः३० बजे बस्ने ‘सार्वजनिक नीति तथा प्रत्यायोजित विधायन समिति’ को २९७औँ बैठकमा प्रत्यायोजित विधायन, कानुन समाजसँग सहकार्य लगायत विषयमा छलफल हुनेछ । यसका लागि नेपाल कानुन समाजका अध्यक्ष तथा पूर्वउपसभामुख पुष्पा भुसाल गौतम र समाजका कार्यक्रम निर्देशक मोहनलाल आचार्यलाई आमन्त्रण गरिएको छ ।
त्यस्तै, दिउँसो १ बजे बस्ने ‘सङ्घीयता सबलीकरण तथा राष्ट्रिय सरोकार समिति’ को ३०५औँ बैठकमा समितिको आव २०८२÷८३ को वार्षिक कार्ययोजना तथा लुम्बिनी प्रदेशमा भएका अनुगमन र अन्तरक्रियाको प्रतिवेदन माथि छलफल गरी पारित गर्ने एजेन्डा रहेको छ ।
बिहीबार , भदौ १९ गते २०८२
Sep 04 2025 Thursday
