इन्द्रेणीपोष्ट
काठमाडौं । नेपाली काँग्रेसले नयाँ नेतृत्व छान्न सोमबार बिहान ८ बजेदेखि मतदान सुरू गर्ने भएको छ ।
कांग्रेसले भृकुटीमण्डप, राष्ट्रिय सभागृह र नेपाल पुलिस क्लबमा मतदान स्थल तोकेको छ । काँग्रेसले कागजकै मतपत्र बनाएको छ भने मत खसाल्ने बाकसका रूपमा पानी ट्यांकीको प्रयोग गरिने भएको छ ।
काँग्रेसमा ४७४३ जना महाधिवेशन प्रतिनिधि छन् । एक महाधिवेशन प्रतिनिधिले २९ मतपत्रमा मतदान गर्नुपर्ने भएकाले करिब एक घन्टासम्म मत खसाल्न समय लाग्नेछ । मत खसाल्ने ठाउँ २९ वटा छ । करिब १० घन्टामा मत खसालेर सक्ने अनुमान छ ।
मतदान सकिएलगत्तै मतगणना गरिने बताएको छ । काँग्रेस केन्द्रीय निर्वाचन समितिका सदस्य तेज रावलले सबैभन्दा पहिले सभापति पदका लागि मतगणना गरिने बताए ।
