इन्द्रेणीपोष्ट
काठमाडौं । रेडियो कार्यक्रमलाई आधार बनाएर मानसिक समस्यामाथि दीपेन्द्र लामाले बनाएको सर्ट मुभी वरदान सार्वजनिक भएको छ ।
मानसिक समस्यालाई हेर्ने दृष्टिकोणलाई लिएर फिल्ममा बनेको हो ।
नम्रता श्रेष्ठ, दयाहाङ राई, लुनिभा तुलाधर, प्रविण खतिवडा, पुष्कर गुरुङ, शारदा गिरी, सुनिता श्रेष्ठ, जयनन्द लामा, कृष्ण भक्त महर्जनको अभिनय छ फिल्ममा ।
दीपेन्द्र लामाको लेखन र निर्देशन रहेको फिल्म युट्युवमा सार्वजनिक गरिएको हो ।
२४ मिनेटको फिल्मले आत्महत्या रोकथामको विषयलाई उठान गरेको छ ।
डिप्रेसनबाट गुज्रिरहेका र आत्महत्याको प्रयास गर्नेलाई कस्तो व्यवहार गर्ने र कसरी परामर्श दिने भन्ने फिल्मले सन्देश दिएको छ ।
