इन्द्रेणीपोष्ट
चितवन । नेकपा (माओवादी केन्द्र)का अध्यक्ष पुष्पकमल दाहाल प्रचण्डले आसन्न वैशाखमा हुने स्थानीय तहको निर्वाचनमा महानगर र उपमहानगरपालिकामा सत्तासाझेदार दलका बीचमा केन्द्र तहबाट नै तालमेल हुने बताएका छन् ।
बुधबार चितवन पुगेका उनले पत्रकारहरुसँग कुराकानीमा तालमेल सत्ता साझेदार दलका बीचमा नै हुने जानकारी दिएका हुन् ।
उनले भने, ‘महानगर र उपमहानगरपालिकालाई केन्द्रबाटै तालमेल गर्ने भन्ने छलफल चलेको छ ।
बिहीबार बस्ने गठबन्धनको बैठकबाट केही न केही निर्णयमा पुग्छौं’, उनले भने, ‘कांग्रेसको केन्द्रीय समितिको बैठकले निर्णय गरेपछि गठबन्धनका बीचमा आवश्यकताअनुसार तालमेल हुने प्रस्ट भएको छ ।’
