इन्द्रेणीपोष्ट
काठमाडौं । नागरिक उन्मुक्ति पार्टीले सुदूरपश्चिम सरकारमा सहभागी भएका आफ्ना मन्त्रीहरूलाई फिर्ता बोलाएको छ ।
शुक्रबार राति मुख्यमन्त्री कमलबहादुर शाहले नाउपाका मन्त्रीहरूलाई सरकारमा सहभागी गराएर शपथ खुवाएका थिए ।
तर, त्यसको १२ घण्टा पनि नबित्तै नाउपाकी अध्यक्ष रञ्जिता श्रेष्ठले सरकारमा सहभागी आफ्ना मन्त्रीहरूलाई फिर्ता हुन निर्देशन दिएकी छन् ।
संघीय गठबन्धन फेरबदल भएसँगै त्यसको असर प्रदेशमा परेको थियो ।
जसका कारण मुख्यमन्त्री शाहले माओवादी केन्द्र र एकीकृत समाजवादीका मन्त्रीहरूलाई बर्खास्त गरेका थिए । त्यसपछि उनले नाउपालाई सरकारमा सहभागी गराएका थिए ।
तर, पार्टी नेतृत्वसँग सल्लाह नै नगरी मन्त्री बनाइएको भन्दै श्रेष्ठले उनीहरूलाई तत्काल फिर्ता हुन निर्देशन दिएकी हुन् ।
निर्देशन कार्यान्वयन नगरे कारबाही गर्ने उनको चेतावनी छ । चौधरीले संसदीय दलका नेता घनश्याम चौधरीलाई आजै सरकार छोड्न निर्देशन दिएकी हुन् ।
उनले आज संसदीय दलको बैठक बस्ने र सरकारबाट फिर्ता हुने निर्णय हुने बताएकी छन् ।
