इन्द्रेणीपोष्ट
तुर्कमेनिस्तान, २३ साउन – तुर्कमेनिस्तानको अवाजामा सम्पन्न भूपरिवेष्ठित विकासशील राष्ट्रहरूको तेस्रो संयुक्त राष्ट्रसङ्घीय सम्मेलनमा सहभागी भई प्रधानमन्त्री केपी शर्मा ओली आज स्वदेश फर्कँदै छन ।
उनी भर्खरै तुर्कमेनबासी अन्तरराष्ट्रिय विमानस्थलबाट दुबई प्रस्थान गरेका छन । प्रधानमन्त्री ओली दुबई हुँदै आज राति ११ः५५ बजे त्रिभुवन अन्तर्राष्ट्रिय विमानस्थलमा अवतरण गर्ने कार्यक्रम रहेको छ ।
विमानस्थलमा प्रधानमन्त्री ओलीलाई तुर्कमेनिस्तान सरकारका उपप्रधानमन्त्री रहसित मेरेडोभले स्थानीय समयअनुसार बिहान ८ः३० बजे बिदाइ गरेका छन । सम्मेलनमा नेपालको तर्फबाट प्रधानमन्त्री ओलीले भूपरिवेष्ठित राष्ट्रहरूको समस्या, सम्भावना र अन्तर्राष्ट्रिय सहयोगको आवश्यकता विषयमा धारणा राखेका थिए ।
प्रधानमन्त्री ओलीको भ्रमणले नेपाल–तुर्कमेनिस्तान सम्बन्धलाई सुदृढ गर्न सहयोग पुग्ने विश्वास गरिएको छ ।
शुक्रबार, साउन २३ गते २०८२
Aug 08 2025 Friday
