इन्द्रेणीपोष्ट
काठमाडौं । नेपाली काँग्रेसको महामन्त्री पदको मतगणनामा ११ सय ९५ मत गनिसक्दा गगन थापाले ७ सय ५६ मत प्राप्त गरेका छन् । दोस्रोमा विश्वप्रकाश शर्माले ४९० मत ल्याएका छन् । यस्तै प्रदिप पौडेलले ३६९, मिनेन्द्र रिजालले २२३, प्रकाशशरण महतले ३८९ मत प्राप्त गरेका छन् ।
अर्का महामन्त्रीका प्रत्यासी राजाराम कार्कीले भने ३८ मत प्राप्त गरेका छन् । गगनले भने सुरुवाती अग्रता लिएका छन् । गगन र विश्वप्रकाशको कडा प्रतिष्प्रधा देखिएको छ । मतगणना जारी छ ।
महामन्त्रीका लागि सभापति शेरबहादुर देउवा प्यानलबाट प्रकाशशरण महत र प्रदीप पौडेल उम्मेदवार छन् । शेखर कोइराला प्यानलबाट गगन थापा र मिनेन्द्र रिजाल छन् भने प्रकाशमान सिंह प्यानलबाट विश्वप्रकाश शर्मा प्रतिष्पर्धा छन् । डा. राजाराम कार्कीले महामन्त्रीमा स्वतन्त्र उम्मेदवारी दिएका हुन् ।
काँग्रेस विधानमा महाधिवेशनबाट दुईजना महामन्त्री निर्वाचित हुने व्यवस्था छ ।
