इन्द्रेणीपोष्ट
काठमाडौं । नेपाली काँग्रेसको १४औं महाधिवेशनमा महामन्त्री पदका लागि भएको निर्वाचनमा गगन थापा जित नजिक पुगेका छन् । सानेपास्थित काँग्रेस केन्द्रीय कार्यालयमा भइरहेको मतगणनामा दुवैले सुरुवातदेखि नै अग्रता कायम राख्दै आएका छन् ।
महामन्त्रीको दुई पदका लागि ६ जना उम्मेदवार प्रतिस्पर्धामा छन् ।
३ हजार १२० मत गणना हुँदा गगन थापाले २ हजार ३७ मत ल्याएका छन्। दोस्रो स्थानमा १ हजार २५५ मत ल्याउँदै विश्वप्रकाश शर्मा छन् । गगन शेखर कोइराला प्यानल र विश्वप्रकाश प्रकाशमान प्यानलबाट महामन्त्रीमा उम्मेदवार हुन् ।
सोमबारको मतदानमा ४ हजार ६७९ मतदाताले मतदान गरेका थिए ।
प्रारम्भिक मतपरिणाम अनुसार तेस्रो स्थानका लागि प्रकाशशरण महतले १०२४ मत ल्याउँदा प्रदीप पौडेलले ९३५ मत ल्याएका छन् । दुवैजना सभापतिमा निर्वाचित प्रधानमन्त्री शेरबहादुर देउवा प्यानलबाट उम्मेदवार बनेका हुन् ।
यस्तै, शेखर प्यानलबाट महामन्त्रीको उम्मेदवार बनेका मीनेन्द्र रिजालले ५४६ पाउँदा राजाराम कार्कीले ७५ मत पाएका छन् ।
