इन्द्रेणीपोष्ट
काठमाडौं । नेपाली काँग्रेसको १४औं महाधिवेशन अन्तरगत नयाँ कार्यसमिति चयनका लागि भएको मतदानको मतगणना जारी छ । आज सह–महामन्त्रीतर्फ तीन क्लष्टरको मतगणना हुँदै छ । मुस्लिम, मधेसी र खसआर्यतर्फको मतगणना आज हुन लागेको हो ।
केन्द्रीय निर्वाचन समितिका अनुसार बिहान करिब १० बजेबाट मतगणना सुरु हुनेछ । नौ ठाउँमा मतगणना हुनेछ । मुस्लिम, मधेसी र खसआर्यतर्फको मतगणना सकिएपछि बाँकीको मतगणना सुरु गरिने समितिले जनाएको छ ।
खसआर्यतर्फ किशोरसिंह राठौर र देबराज चालिसे, मधेसीतर्फ महेन्द्र यादव, रञ्जित कर्ण र रामकृष्ण यादब तथा मुस्लिमतर्फ फरमुल्लाह मन्सुर र शेख वकिल प्रतिष्पर्धामा छन् ।
महिला सह–महामन्त्रीमा महालक्ष्मी उपाध्याय ‘डिना’, आदिवासी जनजातितर्फ भीष्मराज आङदेम्बे र दलित सह–महामन्त्रीमा जीवन परियार विजयी भइसकेका छन् ।
