इन्द्रेणीपोष्ट
इंग्लिस प्रिमियर लिगमा चेल्सी फेरि बराबरीमा रोकिएको छ । गएराति भएको खेलमा चेल्सी ब्रेन्टफोर्डसँग २-२ गोलको बराबरीमा रोकिएको हो ।
खेलमा सुरुवाती अग्रता भने चेल्सीले नै लिएको थियो । खेलको ३५औँ मिनेटमा निकोलस ज्याकसनले गोल गर्दै चेल्सीलाई सुरुवाती अग्रता दिलाएका थिए ।
पहिलो हाफमा १-० को अग्रता लिएको चेल्सी दोस्रो हाफको सुरुवाती मिनेटमै गोल खान पुग्यो । खेलको ५०औँ मिनेटमा ब्रेन्टफोर्डका म्याड्स रोर्सलेवले गोल गर्दै खेल १-१ गोलको बराबरीमा ल्याए ।
त्यसपछि खेलको ६९औँ मिनेटमा योएनी बिसाले गोल गर्दा ब्रेन्टफोर्डलाई २-१ को अग्रता दिलाएका थिए । तर, खेलको ८३औँ मिनेटमा एक्सेल डिसासीले बराबरी गोल फर्काउँदै चेल्सीलाई हारबाट जोगाएका थिए ।
बराबरीसँगै चेल्सी २६ खेलबाट ३६ अंकका साथ लिगको ११औँ स्थानमा यथावत छ । ब्रेन्टफोर्ड भने २७ खेलबाट २६ अंकका साथ लिगको १५औँ स्थानमा छ ।
