रमेश सुवेदी
काठमाडौं । एएफसी महिला एसियन कप-२०२२ छनोट अन्तर्गत दोस्रो खेलको पहिलो हाफ बराबरीमा समाप्त भएको छ ।उज्वेकिस्तानको जेएआर स्टेडियममा भएको दोस्रो खेलको पहिलो हाफ ०-० को अवस्थामा समाप्त भएको हो ।
दुवै टोलीले केही राम्रा अवसर बनाए पनि गोल भने गर्न सकेनन् । नेपालले भने हङकङको तुलनामा राम्रो खेल प्रस्तुत गरेको छ । प्रशिक्षक फिलिप्स ग्यारिले फिलिपिन्ससङको खेलबाट १ मात्रै खेलाडी परिवर्तन गरेका छन् ।
चोट बोकेकी पूजा रानाको स्थानमा विमला बिकले हङकङबिरुद्ध खेल्ने छन् । रेनुका नगरकोटीको कप्तानीमा हङकङविरुद्ध खेल्ने सुरुवाती-११ मा प्रीति राई, सविता राना मगर र विमला चौधरीलाई अट्याकको भूमिका निभाउने छन् ।
यस्तै मिडलाइनमा रेणुकासहित दीपा राई, मन्जली कुमारी योन्जन र सरु लिम्बुलाई जिम्मेवारी दिएका छन् । यस्तै डिफेन्समा हिरा कुमारी भुजेल, गीता राना, अमृता जैशी र बिमला बिक रहेकी छन् ।
गोलरक्षकमा भने एन्जिला तुम्बाप्पो सुब्बा रहेकी छिन् । यस अघि पहिलो खेलमा नेपाल बलियो फिलिपिन्ससंग २-१ गोल अन्तरले पराजित भएको हो ।
नेपालको सुरुवाती - ११ गोलकिपर - अन्जिला सुब्बा डिफेन्डर - हिरा कुमारी भुजेल, अमृता जैशी, गीता राना, विमला बिक मिडफिल्डर - रेनुका नगरकोटी, सरु लिम्बु, मन्जली कुमारी योन्जन फरवार्ड - प्रीति राई, सविता राना मगर, विमला चौधरी
