इन्द्रेणीपोष्ट
काठमाडौं । मलेसियामा हुने यू– १९ टी– २० महिला विश्वकप क्रिकेट प्रतियोगिताका लागि मलेसियामा रहेको नेपाली टिमले सोमबार वेस्ट इन्डिजसँग अभ्यास खेल खेलेको छ ।
खेलमा नेपाल ९ रनले पराजित भएको छ । पहिला ब्याटिङ गरेको वेस्ट इन्डिजले ४ विकेटमा १०९ रन बनाएको थियो । जवाफमा नेपाल १०० रन बनाउँदा अलआउट भयो ।
नेपालका लागि सिमाना केसीले सर्वाधिक २३ रन बनाएकी थिइन् भने किरण कुवँरले १८ रनको योगदान दिएकी थिइन् । वेस्ट इन्डिजका लागि त्रिशा हाडर्टले २ विकेट लिएकी थिइन् ।
यसअघि वेस्ट इन्डिजका लागि समरा रामनाथले २५ रन बनाएकी थिइन् । नेपालका लागि रचना चौधरीले १७ रन दिएर एक विकेट लिएकी थिइन् । प्रतियोगितामा नेपालले पहिलो खेल १८ जनवरीमा बंगलादेशसँग खेल्नेछ ।
