इन्द्रेणीपोष्ट
काठमाडौँ, १२ साउन – नेपाल स्टक एक्सचेञ्ज नेप्से परिसूचक आज सामान्य रूपमा घटेको छ । कारोबारको अन्त्यमा नेप्से शून्य दशमलव ०६ प्रतिशतले अर्थात् २।०७ अङ्कले घट्दै २,९६२.१३ विन्दुमा पुगेको छ ।
आजको कारोबार रकम भने उत्साहजनक देखिएको छ । ३२१ कम्पनीका ४ करोड ४१ लाख २४ हजार ९२४ कित्ता सेयर १ लाख ७० हजार ७२६ पटक खरिदबिक्री हुँदा कारोबार रकम १९ अर्ब ३६ करोड ८ लाख ७३ हजार रुपैयाँ नाघेको छ ।
उत्कृष्ट वृद्धिदर देखाउने कम्पनीहरूमा समता घरेलु लघुवित्त वित्तीय संस्था लिमिटेडको सेयर मूल्य ९.९९ प्रतिशतले, सान्भी इनर्जी लिमिटेडको ९.९२ प्रतिशतले र ट्रेड टावर लिमिटेडको ९.५३ प्रतिशतले वृद्धि भएको छ ।
त्यस्तै बिन्दबासिनी हाइड्रोपावर डेभलपमेन्ट कम्पनी लिमिटेडको सेयर मूल्य ८.४९ प्रतिशतले, लक्ष्मी उन्नती कोषको ७.५२ प्रतिशतले र ग्रीन भेञ्चर लिमिटेडको ५.०८ प्रतिशतले घटेको छ ।
यद्यपि परिसूचकमा सामान्य गिरावट आएको भए पनि कारोबार रकमले बजारमा लगानीकर्ताको सक्रियता दर्शाएको विश्लेषकहरूको भनाइ छ ।
आइतबार, साउन १८ गते २०८२
Aug 03 2025 Sunday
