इन्द्रेणीपोष्ट
काठमाडौं । आइतबार सुरु नेकपा (माओवादी केन्द्र)को आठौं महाधिवेशनअन्तर्गत आज (सोमबार) बन्दसत्र सुरु हुँदै छ । बन्दसत्र उद्घाटनस्थल प्रज्ञा प्रतिष्ठानकै भवनमा हुनेछ ।
माओवादी केन्द्रको केन्द्रीय कार्यालयका मुख्य सचिव श्रीराम ढकालका अनुसार बन्दसत्र आज बिहान ११ बजे सुरु हुनेछ ।
महाधिवेशनमा सहभागी हुने प्रतिनिधिको संख्या १७ सय पुगेको पनि उनले जानकारी दिए ।
सुरुमा माओवादीले १५ सय ३१ प्रतिनिधि सहभागी हुने बताइएको थियो । पछि प्रतिनिधिको संख्या १६ सय ३८ बनाइएको थियो । अहिले फेरि १७ सय गराइएको हो ।
ढकालले नेपालखबरसँग भने, ‘१७ सय प्रतिनिधि पुगेका छन् । सबै क्लस्टरबाट मिलाउदा संख्या केही बढेको हो ।’
राष्ट्रिय सम्मेलनलाई महाधिवेशनमा परिणत गरेसँगै प्रतिनिधिको संख्या पनि बढेको हो ।
