इन्द्रेणीपोष्ट
जबर्जस्ती करणीको आरोप लागेका अभिनेता पल शाहको अन्तिम ‘लोकेसन’ काठमाडौं र ललितपुरको सीमामा पर्ने बालकुमारी क्षेत्रमा देखिएको छ ।
उनविरुद्ध बुधबार एक १७ वर्षीया गायिकाले तनहुँ प्रहरीमा जबर्जस्ती करणी मुद्दामा उजुरी दर्ता गराएकी थिइन् ।
सोही दिन पलविरुद्ध जिल्ला अदालत तनहुँबाट पक्राउ पुर्जीसमेत जारी भएको थियो ।
पलविरुद्ध उजुरी दर्ता भएको समाचारसँगै उनी फरार भएका थिए ।
प्रहरीका अनुसार समाचार आइसकेपछि पलले आफू बस्दै आएको शान्तिनगर क्षेत्र छाडेका थिए ।
उनले मोबाइलसमेत स्वीच अफ गरेका थिए ।
उनको खोजीमा प्रहरीका दुई महत्त्वपूर्ण निकाय केन्द्रीय अनुसन्धान ब्युरो (सीआईबी) र महानगरीय अपराध महाशाखाको टोली सक्रिय छ ।
उनको खोजीका लागि देशभर सर्कुलरसमेत जारी भइसकेको छ ।
