इन्द्रेणीपोष्ट
काठमाडौं । आइसीसी टी-२० विश्वकप छनोटअन्तर्गत अफ्रिका छनौटको खेलमा जिम्वावे नामिवियासँग हार बेहोरेको छ ।
अफ्रिका छनोटको पहिलो खेलमा नामिवियाले जिम्बाबेलाई ७ विकेटले पराजित गरेको हो ।
जिम्वावेले दिएको १३३ रनको लक्ष्य पछाएको नामिवियाले १४.४ ओभरमा ३ विकेट गुमाएर लक्ष्य पुरा गरेको थियो ।
यसअघि जिम्वावेले पहिला ब्याटिंग गर्दै २० ओभरमा ८ विकेट गुमाएर १३२ रन बनाएको थियो ।
अफ्रिका छनौटबाट २ देश विश्वकपमा छनोट हुने छन् । जसमा ७ देशले प्रतिष्पर्धा गर्दै छन् ।
अफ्रिका छनोटमा नामिबिया र जिम्वावेसहित युगान्डा, केन्या, नाइजेरिया, रुवाण्डा र तान्जानिया सहभागी रहेका छन् ।
अब जिम्वावेले अर्को खेल आज तान्जानियासँग खेल्दै छ भने नामिवियाले शुक्रबार युगाण्डासँग खेल्दै छ ।
