इन्द्रेणीपोष्ट
समकालीन विश्वका दुई प्रमुख फुटबलरहरू लियोनेल मेस्सी र क्रिस्टियानो रोनाल्डो आबद्ध क्लबहरू गए राति मैत्रीपूर्ण खेलका लागि मैदानमा उत्रिए ।
साउदी अरबमा भएको इन्टर मियामी र अल नासरबीचको प्रतिस्पर्धालाई धेरैले मेस्सी र रोनाल्डोबीचको प्रतिस्पर्धाका रूपमा हेरेका छन् ।
हाल मेस्सी मियामी र रोनाल्डो अल नासरका लागि फुटबल खेलीरहेका छन् । गए राति भएको खेलमा मियामीविरुद्ध अल नासरले ६-० को जित निकाल्यो ।
इन्टरमियामीविरुद्ध अल नासरले सुरुवात अर्थात खेलको ३ मिनेटमै अग्रता लियो । त्यस्तै १०औँ र १२औँ मिनेटमा गोल गर्दै अल नासरले पहिलो हाफतमा इन्टर मियामीविरुद्ध ३-० को अग्रता कायम गर्यो ।
पहिलो हाफमा इन्टरमियामीविरुद्ध ३ गोल गरेको अल नासले दोस्रो हाफमा पनि थप ३ गोल गर्दै ६-० को जित निकाल्यो । दोस्रो हाफको ५१औँ, ६८औँ र ७३ औँ मिनेटमा अल नासरले गोल गरेको हो ।
