इन्द्रेणीपोष्ट
काठमाडौं । बालुवाटारमा प्रधानमन्त्री पुष्पकमल दाहाल ‘प्रचण्ड,’ नेकपा (एमाले) अध्यक्ष केपी शर्मा ओली र गृहमन्त्री रवि लामिछानेबीच भेटवार्ता भएको छ ।
भेटवार्तामा देशको पछिल्लो राजनीतिक समसामयीक घटनाक्रमबारे छलफल भएको हो । विशेषगरी गृहमन्त्री रवि लामिछाने सहकारी ठगीमा संलग्न भएको भन्दै प्रतिपक्षी नेपाली कांग्रेसले संसदीय छानबिन समिति गठन गर्नुपर्ने माग राखेको विषयमा छलफल भएको छ ।
बालुवाटार स्रोतका अनुसार छलफलमा आगामी बजेट अधिवेशन, बजेट निर्माण प्रक्रिया, प्रदेश सरकार, विश्वविद्यालयलगायतका विषण्मा छलफल भएको थियो ।
सरकारले आगामी वैशाख २८ गते बजेट अधिवेशन आह्वान गरेको छ । उक्त अधिवेशनको सुरुवात् अगावै सहमति जुटाउन प्रधानमन्त्री प्रचण्डले केही दिनयता क्रियाशिलता देखाएका छन् ।
