इन्द्रेणीपोष्ट
काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेको बयान काठमाडौं जिल्ला अदालतमा हुँदैछ ।
उनको बयान र थुनछेक न्यायाधीश माधव अधिकारीको इजलासमा हुने भएको हो ।
काठमाडौंको कालीमाटीस्थित स्वर्णलक्ष्मी बहुउद्देश्यीय सहकारीको रकम अपचलन गरेको अभियोजन पत्र दायर भएपछि उनी आज (आइतबार) अदालतमा हाजिर भएका हुन् ।
गोरखा मिडिया नेटवर्कमा गैरकानुनी ढंगबाट स्वर्णलक्ष्मी बहुउद्देश्यीय सहकारी संस्थाबाट ५ करोड ७८ लाख ९८ हजार ४८० रुपैयाँ लगेको प्रहरीको अनुसन्धान निष्कर्ष छ ।
रविलाई सरकारी वकिलले सो ५ करोड ७८ लाख ९८ हजार ४८० रुपैयाँ बिगो मागदावी गरेको छ ।
