इन्द्रेणीपोष्ट
काठमाडौं । नेत्रविक्रम चन्द ‘विप्लव’ नेतृत्वको समाजवादी मोर्चालाई पुष्पकमल दाहाल ‘प्रचण्ड’ र माधवकुमार नेपालले सक्रिय बनाउने भएका छन् ।
नेकपा (माओवादी केन्द्र) मार्चामा क्रियाशिल नभएपछि लामो समयदेखि निष्क्रिय मोर्चालाई प्रचण्ड–माधवले पुनः सक्रिय बनाउने भएका हुन् ।
प्रचण्डले सत्ता सम्हालेको केही महिनापछि बनेको समाजवादी मोर्चामा माओवादी केन्द्र, एकीकृत समाजवादी, नेपाल समाजवादी पार्टी नेपाल कम्युनिष्ट पार्टी र जनता समाजवादी पार्टी नेपाललगायतका दलहरू संलग्न थिए ।
तर, केही समययता जसपा मोर्चामा संलग्न छैन । अहिले तीन दल संलग्न छन् । उनीहरूले पुनः मोर्चालाई सक्रिय बनाउने तयारी गरेका छन् ।
त्यसका लागि मोर्चाको कार्यदलको बैठक बस्न लागेको छ । बैठक भोलि दिउँसो ३ बजे बस्ने कार्यदलका सदस्य एवं नेपाल समाजवादी पार्टीका सहअध्यक्ष गंगानारायण श्रेष्ठले जानकारी दिए ।
