इन्द्रेणीपोष्ट
काठमाडौं । नेकपा (माओवादी केन्द्र) निकट अखिल (क्रान्तिकारी)को अध्यक्ष पदका उमेदवाद्वय विजयप्रकाश सापकोटा र हेमन्त राईबीच कडा प्रतिस्पर्धा भइरहेको छ ।
शनिबार सम्पन्न निर्वाचनको मतगणना अनुसार अध्यक्षका उमेदवारबीच कडा प्रतिस्पर्धा भइरहेको केन्द्रीय निर्वाचन समितिले जनाएको छ । उक्त समितिका अनुसार पार्टी केन्द्रीय कार्यालय पेरिसडाँडामा भइरहेको मतगणना भइरहेको छ ।
यसअघि कोशी प्रदेश, मधेस प्रदेश, गण्डकी प्रदेश, बागमती प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशको मतगणना भइसकेको छ । बाँकी उपत्यका विशेष र विश्वविद्यालय विशेष प्रदेशको मतगणना हिजो (मंगलबार) राति १० बजेदेखि सुरु गरिएको छ ।
भृकुटीमण्डपस्थित वाल्मीकि क्याम्पसमा मतदान भएको चार दिनपछि मंगलबार मध्येरातिबाट मतपेटिका पार्टी केन्द्रीय कार्यालय पेरिसडाँडामा लगिएको थियो ।
अहिलेसम्म अध्यक्षमा विजयप्रकाश सापकोटा र हेमन्त राईबीच कडा प्रतिस्पर्धा देखिएको भइरहेको छ । सापकोटा ४८५ र राईले ४६१ मत प्राप्त गरेका छन् । वाल्मीकिमा ५२२ मत खसेको छ ।
