इन्द्रेणीपोष्ट
काठमाडौं । तराई–मधेस केन्द्रित दलहरूको संयुक्त बैठक बस्ने भएको छ । ८ दलहरू मिलेर संयुक्त मोर्चा निर्माणका लागि बैठक बस्ने भएको हो ।
आज (सोमबार) दिउँसो १ बजे सिंहदरबारस्थित नागरिक उन्मुक्ति पार्टीको संसदीय दलको कार्यालयमा बैठक बस्दैछ ।
मधेस तथा थारु आन्दोलनबाट प्राप्त उपलब्धि र यसको रक्षाका लागि अपनाउनुपर्ने भावी रणनीतिबारे छलफल गर्न ८ दलको बैठक बस्न लागेको जनमत पार्टीका नेता अब्दुल खानले जानकारी दिए ।
उनका अनुसार बैठकमा जसपाबाट रेणु यादव र मोहम्मद इस्तियाक राई, जनमत पार्टीबाट अब्दुल खान र शरद सिंह यादव, जसपा नेपालबाट राजकिशोर यादव र मनिष सुमन, नाउपाबाट गंगाराम चौधरी र लालविर चौधरी, लोसपाबाट सर्वेन्द्रनाथ शुक्ला र लक्ष्मणलाल कर्ण, रामुपा नेपालबाट रामनरेश राय र केशव झा, तमलोपाबाट वृषेश चन्द्र लाल र ब्रज किशोर सिंह तथा जनता प्रगतिशील पार्टीबाट शिवजी यादव सहभागी हुनेछन् ।
