इन्द्रेणीपोष्ट
काठमाडौं । संघीय संसद् सचिवालयले दुईजना पत्रकारको संसद् प्रवेश पास निलम्बन गरेको छ। प्रधानमन्त्री केपी शर्मा ओली र सांसदलाई प्रश्न गर्दा अपशब्द प्रयोग गरेको आरोपमा उनीहरूको प्रवेश पास निलम्बन गरिएको हो।
ति पत्रकारले प्रधानमन्त्रीलाई ‘तपाईको शैली हिटलर जस्तो भयो’ भनेर प्रश्न गरेका थिए । यस्तै एमालेका सांसद सूर्यबहादुर थापा क्षेत्रीलाई ‘तपाई केपी ओलीको हनुमान हो’ भनेर प्रश्न गरेका थिए । यसरी प्रश्न सोध्न नपाउने भन्दै प्रेस पास निलम्बन गरिएको हो ।
महासचिव स्तरीय निर्णयबाट पत्रकारद्वय प्रकाश वली र र किशोरकुमार श्रेष्ठको संसद् प्रवेश पास निलम्बन गरिएको हो।
