इन्द्रेणीपोष्ट
काठमाडौं । प्रमुख प्रतिपक्षी दल नेकपा माओवादी केन्द्रका उपमहासचिव वर्षमान पुनले राजावादीले उक्साउँदैमा नहौसिन पूर्वराजा ज्ञानेन्द्र शाहलाई चेतावनी दिएका छन् ।
रोल्पा नगरपालिकाको नवनिर्मित प्रशासकीय भवन उद्घाटन गर्दै उनले वंश परम्परामा आधारित राजतन्त्र फर्कने सम्भावना नभएको दाबी गरे ।
जनताका छोराछोरी राष्ट्रपति हुने व्यवस्थाको विकल्पमा अमुक कुलमा जन्मिँदा शासक हुने व्यवस्थाको पक्षमा कोही नरहेको उनको भनाइ थियो ।
उनले सामन्ती एकाधिकारवादी राजतन्त्र र विचार, आस्था र उद्देश्यविहीन लोकप्रियतावादीको नेपालमा राजनीतिक भविष्य नरहेको बताए ।
