इन्द्रेणीपोष्ट
काठमाडौं । नेपाली महिला क्रिकेट टोलीले आज ((बिहीबार) कुवेतसँग प्रतिस्पर्धा गर्दैछन् । आईसीसी महिला टी-२० विश्वकपको एसिया क्षेत्रको छनोटको आफ्नो तेस्रो खेलमा नेपाली टोलीले आज कुवेतसँग प्रतिस्पर्धा गर्न लागेको हो ।
आईसीसी एकेडेमीको मैदानमा खेल मध्यान्ह सवा ११ बजे सुरु हुनेछ । यसअघिका खेलमा पहिलो खेलमा हङकङसँग अप्रत्यासित पराजय ब्यहोरेको नेपालले दोस्रो खेलमा भुटानलाई हराएको थियो । शीर्षस्थानमा रहँदै विश्वकप यात्रालाई जारी राख्नका लागि नेपाल बाँकी खेलमा जित्नैपर्ने दवाबमा हुनेछ ।
विश्वकप छनोटका लागि नेपाल, युएई, मलेसिया, हङकङ, भुटान र कुवेत प्रतिस्पर्धामा छन् । जसमध्ये सबै टोलीले दुई खेल खेल्दा यूएई दुवै खेलमा जित निकाल्दै ४ अंक जोडेर शीर्ष स्थानमा छ ।
त्यसबाहेक नेपाल, मलेसिया, हङकङ, भुटानले समान १ जित र १ हार ब्यहोर्दै २ अंक जोडेका छन् । तालिकाको पुछारमा रहेको कुवेतले भने दुबै खेलमा पराजय ब्यहोरेको छ ।
विश्वकप क्वालिफायर्समा नेपालको खेल
२५. नोभेम्बर : नेपाल भर्सेस कुवेत
२६. नोभेम्बर : नेपाल भर्सेस मलेसिया
२८. नोभेम्बर : नेपाल भर्सेस युएई
