इन्द्रेणीपोष्ट
काठमाडौं । एभिसी एसियन सेन्ट्रल जोन महिला तथा पुरूष भलिबल च्याम्पियनसिपअन्तर्गत नेपाल महिलातर्फ च्याम्पियन भएको छ ।
मंगलबार बंगलादेशको राजधानी ढाकामा भएको फाइनल भिडन्तमा उज्वेकिस्तानलाई ३-२ को सेटमा पराजित गर्दै नेपालले उपाधि रक्षा गरेको हो ।
पहिलो सेट नेपालले २६-२४ ले जितेको थियो । दोस्रो सेट भने नेपालले गुमायो। दोस्रो सेटमा उज्वेकिस्तान २६-२४ ले नै विजयी भयो ।
तेस्रो सेटमा नेपालले उत्कृष्ट खेल देखायो । नेपाल २५-१५ ले विजयी हुन सफल भयो ।
चौथो सेटमा फेरि उज्वेकिस्तान हाबी भयो । चौथो सेट २४-२२ ले जित्दै उज्वेकिस्तानले खेललाई २-२ को बराबरीमा ल्यायो ।
निर्णायक पाँचौ सेट १५-१० ले जित्दै नेपाल च्याम्पियन भयो ।
