इन्द्रेणीपोष्ट
काठमाडौं । केल्मी नेपालका निर्देशक उत्तम न्यौपाने सम्मानित भएका छन् । २१ औँ सशस्त्र प्रहरी दिवसको अवसरमा न्यौपाने सम्मानित भएका हुन् ।
केल्मीले फुटबल र भलिबल विधाका खेलाडीहरूलाई खेल पोशाकलगायत अन्य सामाग्री उपलब्ध गराइ अमूल्य सहयोग गरेको भन्दै उक्त दिवसको अवसरमा सशस्त्र प्रहरीले निर्देशक न्यौपानेलाई कदर—पत्रस्वरूप सम्मान गरेको हो ।
केही समययता उसले नेपाल एपीएफ क्लवका फुटबल र भलिबल विधाका खेलाडीहरूलाई निःशुल्क तथा सहुलियत दरमा खेल सामाग्रीहरू उपलब्ध गराउँदै आएको छ ।
२१ औँ सशस्त्र प्रहरी दिवसको अवसरमा बोल्दै महानिरीक्षक शैलेन्द्र खनालले खेल जगतमा केल्मीले लामो समयदेखि योग्दान पुर्याउँदै आएकोमा धन्यवाद दिए । साथै आगामी दिनमा पनि यस्तै सहयोगको अपेक्षा गरेकाे बताए ।
केल्मी नेपालले खेलकुदका विभिन्न पोशाकलगायत अन्य सामाग्रही उत्पादन तथा वितरण गर्दै आएको छ ।
