काठमाडौं । आईसीसी ट्वान्टी–२० विश्वकपको ग्लोबल छनोटअघि हुने चारदेशीय शृङ्खलामा नेपालले आज शुक्रबार घरेलु टोली ओमानसँग प्रतिस्पर्धा गर्दैछ ।
ओमान भ्रमणमा रहेको नेपालले चारदेशीय ट्वान्टी–२० अन्तर्राष्टिय शृङ्खलाको पछिल्लो खेलमा ओमानविरुद्ध प्रतिस्पर्धा गर्न लागेको हो । नेपालले सन्दीप लामिछानेको कप्तानीमा खेल्न लागेको यो पहिलो खेल हो ।
त्यसकारण पनि यस खेललाई निकै महत्वपूर्णका साथ हेरिएको छ । खेल ओमानको मस्कटस्थित अल अमारतमा रहेको ओमान क्रिकेट एकेडेमीको मैदानमा दिउँसो ३ः४५ बजे सुरु हुनेछ ।
© 2025 All right reserved to indrenipost.com | Site By : Sobij
