इन्द्रेणीपोष्ट
काठमाडौं । नेपाल क्रिकेट संघ (क्यान) को साधारणसभा यही असोज ५ र ६ गते काठमाडौंमा हुने भएको छ । काठमाडौंस्थित एभरेस्ट होटलमा साधारणसभा हुन लागेको क्यानले जानकारी दिएको छ ।
क्यानले साधारणसभामा कार्यसमितिका पदाधिकारी तथा सदस्यहरू, प्रादेशिक क्रिकेट संघ, जिल्ला क्रिकेट संघ, नेपाल अम्पायर्स तथा स्कोरर्स संघ र नेपाल क्रिकेट प्रशिक्षक संघबाट केन्द्रीय साधारणसभाका चयन भएका प्रतिनिधिहरू सहभागी हुने जानकारी दिएको छ ।
साधारणसभामा आर्थिक वर्ष २०७९/८० को वार्षिक लेखापरीक्षण प्रतिवेदन अनुमोदन, २०८०/८१ का लागि वार्षिक लेखापरीक्षक नियुक्ति, विधान तथा विविध विषय एजेन्डाका रूपमा प्रस्तुत हुने क्यानले जानकारी दिएको छ ।
