इन्द्रेणीपोष्ट
काठमाडौं । एकदिवसीय शृंखलाको पहिलो खेलमा क्यानडाविरुद्ध ब्याटिङ गरिरहेको नेपालले भीम सार्कीलाई चौथो विकेटका रूपमा गुमाएको छ ।
बिहीबार कीर्तिपुरस्थित त्रिवि क्रिकेट मैदानमा टस जितेर ब्याटिङमा उत्रिएको नेपालले भीमलाई २२.३ ओभरमा गुमाएको हो ।
भीमले नेपाली टिमको स्कोरबोर्डमा १७ रन जोडे । जारी खेलको २३ ओभर सकिँदा नेपालले चार विकेट गुमाएर १११ रन बनाएको छ ।
नेपालले त्यसअघि आसिफ शेख र कप्तान रोहितकुमार पौडेललाई व्यक्तिगत समान आठ रनमा गुमाएको थियो । ओपनर कुशल भुर्तेल ६२ रन बनाएर आउट भएका थिए ।
यी दुई टिमले तीन खेलको एकदिवसीय शृंखला खेल्ने तालिका छ । आजको खेलपछि नेपालले शनिबार शृंखलाको दोस्रो र सोमबार तेस्रो खेल खेल्नेछ ।
